outdoors لمحة على ماركات ال

الرياضات الجبلية أو ما يعرف برياضة تسلق الجبال عرفت انتشار كبير في السنوات الأخيرة في تونس. و عدد الممارسين للنشاطات هذي أصبح بالمئات و العدد ماشي و يزيد و هذي حاجة تفرح برشة. الرياضات هذي تتطلب لباس و معدات خاصة بيها. في تونس فمة برشة ماركات عالمية معروفة في مجال  outdoor clothing. برشة ناس يلبسو من هالماركات أما ما يعرفوش وقتاه و كيفاش تأسست و خاصة منين جات أصل التسمية متاع كل ماركة.

هذي نبذة صغيرة على بعض الماركات المعروفة في تونس:

The North Face

تأسست سنة 1964 و مؤسسها الناشط البيئي”Douglas Tompkins” و زوجته “Susie Russell”  و كانت مغازة مختصة في بيع معدات التسلق و التخييم و في سنة 1989 قام Douglas و زوجته أنذاك Kristine بيبع حصصهم في الشركة و شراء أراضي و انشاء محميات بيئية  لايواء كائنات مههدة بالانقراض. أصل تسمية الماركة  لسببين أولهم: اللي الجهة الشمالية (Face Nord)  للجبال هي الأصعب في التسلق و ثاني سبب: اللي أول مغازة تم افتتحها كانت في North beach في الولايات المتحدة الأمريكية.

Columbia

معظم الناس يمشي في بالهم اللي الماركة هذي تسمات على كولمبيا البلاد اللي تقع في أمريكا الجنوبية و هذا موش صحيح . الماركة تأسست سنة 1938 في مقاطعة واشنطن- الولايات المتحدة الأمريكية –  و موسسها “بول لامفروم” و أطلق التسمية نسبة على “نهر كولمبيا” اللي يعبر المقاطعة. الماركة حاليا هي الراعي الرسمي لفريق الدراجين :HTC-Highroad

Mammut

هي ماركة سويسرية مختصة في معدات التسلق للجبال. سنة 1862 “كاسبر تانر” أنشأ أول ورشة لصناعة الحبال المتخصصة في التسلق و في سنة 1943 أسس شركة “Mammut” و في سنة 1982 وقع ضمها لمجموعة شركات Conzzeta. أصل تسمية الماركة متأتية من رمزية قوة و صلابة كائن الماموث و اللي هو مجسد في شعار الماركة

Jack Wolfskin

او ما يعبر عنه بجلد الذئب (peau de loup) ماركة ألمانية تأسست سنة 1981 من طرف “Ulrich Dausien” , سنة 1991 تم شرائها من طرف مجموعة شركات ” Johnson Outdoors ” اللي بعتها بدورها سنة 2002 لمجموعة “Bain Capital” بصفقة قيمتها 42 مليون أورو

McKINLEY

هي  فرع المختص في معدات الرياضات الجبلية و التخييم من سلسلة المغازات الشهيرة “Intersport”  و اللي تأسست سنة 1968. التسمية مستوحاة من جبل Mount McKinley و هو أعلى قمة في قارة أمريكا الشمالية على ارتفاع 6190 متر. الجبل هذا تغير اسمو حديثا و أصبح اسمو جبل “Denali”

Sherpa

ماركة مقرها سويسرا أسسها “Tashi Sherpa” سنة 2003 تخليدا لذكرى “الأبطال المجهولين” للجبال الافريست و الأبطال اللي يحكي غليهم هوما المرافقين من قبيلة الشيربا “Sherpa” اللي يرافقو المتسلقين لقمة الايفريست -أعلى قمة في العالم-  مع العلم أنو الماركة تشغل في أكثر من 703 شخص في النيبال معقل قبائل الشيربا “Sherpa”

Salomon

هي شركة فرنسية تأسست سنة 1947 و بدات النشاط متاعها بإحداث ورشة لصناعة محطات التزلج و في سنة 1957 قامت بصناعة  أول ملزمة (le lift – Reliure) و سنة 1979 قامت الماركة بصناعة أول حذاء للتسلق “Les bottes alpines Salomon” و اللي عرف نجاح كبير. وفي سنة 2005 تم شرائها من طرف مجموعات الشركات الفنلندية “Amer Sports”. و بالنسبة لأصل التسمية فإنها ترجع لمؤسسها “Georges Salomon”

Marmot

سنة 1974, زوز طلبة من جامعة كاليفورنيا الأمريكية “Eric Reynolds” و “Dave Huntley” و في نطاق مشروع دراسي في علم الجليد في المنطقة الثلجية في مقاطعة الألاسكا الأمريكية. غادي وين جاتهم فكرة إنشاء نادي الغرير “club de marmottes” و التسمية مستوحاة من كائن الغرير و هوما مجموعة من السناجب الكبيرة و الأليفة التي تعيش في المناطق الجبلية العالية.

Patagonia

هي شركة أمريكية تأسست سنة 1972 من طرف “Yvon Chouinard” و مقرها كاليفورنيا و هي شركة مختصة في صناعة الملابس الخاصة لتسلق الجبال و خاصة تخصصها في الملابس القطنية البيولوجية “vêtements techniques éco-conçus”   أو المواد القطنية المرسكلة “chlorofibres”. أصل تسمية الماركة هي نسبة للمنطقة الجغرافية  اللي تقع في الأرجنتين في أقصى جنوب قارة أمريكا الجنوبية.

About the author: Achref Jemaoui

Leave a Reply

Your email address will not be published.