تعرف على وحدة من قرى تونس البربرية

ﺍﻟﻤﺮﺓ ﻫﺬﻱ ساقيناﻫﺰﻭﻧا ﻟﻘﺮﻳﺔ ﺑﺮﺑﺮﻳﺔ ﻣﻌﻠﻘﺔ ﻓﻲ ﺍﻟﺠﺒﻞ: ﺍﻟﻘﺮﻳﺔ ﺍﻟﺒﺮﺑﺮﻳﺔ ﺑﺘﻮﺟﺎﻥ.

ﻗﺮﻳﺔ ﺟﺎﻳﺔ ﻓﻲ ﺟﺒﺎﻝ ﻣﻄﻤﺎﻃﺔ ﻣﻦ ﻭﻻﻳﺔ قابس ﻓﻲ ﺍﻟﺠﻨﻮﺏ ﺍﻟﺘﻮﻧﺴﻲ. ﺑﻼﺻﺔ ﻓﻴﻬﺎ ﻣﻦ ﺍﺭﻭﻉ المناظرﺍﻟﻲ ﺗﻨﺠﻢ ﺗﺸﻮﻓﻬﻢ ﻓﻲ ﺗﻮﻧﺲ ﺧﺎﺻﺔ ﻓﻲ الجنوب. ﺍﻟﻄﺮﻳﻖ ﺍﻟﺤﻠﺰﻭﻧﻴﺔ ﻟﻲ ﺗﻮﺻﻠﻠﻬﺎ فيها ﺑﺮﺷﺎ ﻃﻠﻌﺎﺕ ﻭﻫﺒﻄﺎﺕ ﻓﻲ ﺍﻟﺠﺒﻞ. ﻣﻊ ﺍﻻﺩﺭﻳﻨﺎﻟﻴﻦ ﻟﻲ ﻳﻄﻠﻌﻠﻚ ﺗﺸﻮﻑ منظرﺍﻟﻬﻀﺎﺏ ﻭﺍﻟﻘﺮﻯ متاع ﺍﻟﻤﺪﻥ ﺍﻻﺧﺮﻯ ﻳﺨﺪﺭﻭﻙ ﻭﻳﻄﻠﻌﻮﻟﻚ ﺍﻟﻨﺸﻮﺓ.

القرية البربرية هاذي فيها زوز قهاوي الفوق في قمة الجبل يطلو على برشا ولايات اخرين. تخيل روحك تعمل في قهيوة في مرتفع يطل على قرى وجبال وطرق حلزونية من فوق. تحس روحك درون اصل. وماتنسوش وانتو طالعين تتعدو تعبو دبابزكم بماء العين لي هابط مالجبل. ﺑﻼﺻﺔ ﻧﻨﺼﺢ ﺍﻱ ﻣﺤﺐ ﻟﻠﻄﺒﻴﻌﺔ ﻭﺍﻻ ﻣﻐﺎﻣﺮ ﻭﺍﻻ ﺍﻱ ﺍﻧﺴﺎﻥ ﻳﺤﺐ ﻳﺴﺘﻜﺸﻒ ﺍﻟﺒﻼﻳﺺ ﺍﻟﻤﺰﻳﺎﻧﺔ ﻳﺰﻭﺭﻫﺎ.

القرية البربرية ﺑﺘﻮﺟﺎﻥ ﺣﺎﺟﺔ ﻓﻮﻕ ﺍﻟﺮﻭﻋﺔ ﺳﻮﻯ ﻣﻦ ﻗﻴﻤﺘﻬﺎ ﺍﻟﺘﺎﺭﻳﺨﻴﺔ ﻟﻲ ﺳﻜﺎﻧﻬﺎ ﺍﻻﺻﻠﻴﻴﻦ جوها من عام 1500 و إلا من ﻫﻨﺪﺳﺔ ﺍﻟﺪﻳﺎﺭ ﻟﻲ ﻣﺒﻨﻴﺔ ﻋﻠﻰ ﺍﻟﺠﺒﻞ. ﺗﺤﺴﻬﺎ ﻗﺮﻳﺔ ﻣﻌﻠﻘﺔ… وخاصة طيبة الناس لي تفوق الحدود. ناس ياسر محافظين وياسر يفرحو بالبراني ويدلوه و يعاونوه بلي يقدرو.

ﻣﻨﺰﻳﺪﺵ ﻧﺸﻮﻗﻜﻢ ﻧﺨﻠﻴﻜﻢ ﺗﻜﺘﺸﻔﻮﻫﺎ ﻭﺣﺪﻛﻢ. ﻣﺎﺗﺨﻤﻤوش ﺑﺮﺷﺎ الشتاء عالبيبان تزيد تزيان المنطقة وتزيد تحلى فيها المناظرو المغامرة. ﻣﻦ ﺍﻱ ﻭﻻﻳﺔ ﻓﻲ ﺍﻟﺠﻤﻬﻮﺭﻳﺔ ﺗﻨﺠﻢ ﺗﻮﺻﻠﻠﻬﺎ ﺳﻮﻯ ﺑﺴﺘﻮﺏ ﻛﻴﻤﺎ ﻋﻤﻠﺖ ﺍﻧﺎ ﻭﺍﻻ ﺑﺎﻟﻨﻘﻞ سوى تاخذو من قابس والا من مطماطة ﻳﻮﺻﻠﻚ ﻟﻴﻬﺎ وميتكلفش برشا ﻭﺍﻻ ﺣﺘﻰ ﺑﺒﺴﻜﻼﺕ ﻛﻴﻤﺎ ﻋﻤﻠﻮ ﺑﺮﺷﺎ مغامرين تواسة واجانب.

ﺗﻮﻧﺴﻨﺎ ﻤﺰﻳﺎﻧﺔ. ﺍﺧﺮﺟﻮﺍ ﺍﻛﺘﺸﻔﻮﺍ ﺑﻼﺩﻧﺎ ﺭﺍﻭ ﻓﻴﻬﺎ ﺍﻟﻌﺠﺐ 🙂

About the author: Hamza Mehdaoui

Leave a Reply

Your email address will not be published.